आमच्याबद्दल

महात्मा फुले नागरी सहकारी पतसंस्था मर्यादित, चांदवड च्या अधिकृत वेबसाईटवर आपले स्वागत आहे.

चांदवड तालुक्यातील सर्व सभासदांनी आमच्यावर विश्वास दाखवून मोलाचे सहकार्य केले. ठेवीदारांच्या व सभासदांच्या विश्वासाला तडा जाणार नाही याची कटाक्षाने काळजी घेतलेली आहे. संस्थने कठीण निकष लावुन कर्जवाटप‚ कर्जवसुली व दैनंदिन कामकाज केले आहे. त्याचीच फलनिष्पत्ती म्हणुन संस्थेला सलग 6 वर्षे “अ” तारांकीत तर 18 वर्ष “अ” ऑडिट वर्ग मिळालेला आहे. या वर्षी संस्थेने 24 वर्ष पुर्ण केलेले आहे. 24 वर्षाच्या कालावधीत संस्था स्वयंपुर्ण झालेली असुन आर्थिक दॄष्टया मजबुत आहे. स्वत:च्या मालकीच्या अद्ययावत भव्य नुतन वातानुकूलीत वास्तुत संगणकीकरणासह RTGS,NEFT,IMPS,SMS,QR Code अशा ऑनलाईन आर्थिक सुविधासह सुसज्ज अवस्थेत आज ही संस्था सेवा देत आहे.

सन 2001 रोजी समाजाने लावलेले हे छोटेसे रोपटे आज त्याचे कल्पवॄक्षात रूपांतर झाल्याचा चमत्कार आपण पहात आहोत. चांदवड तालुक्यात अग्रगण्य व शिस्तबध्द‚ प्रभावी प्रशासन असलेली संस्था म्हणून महात्मा फुले नागरी सह.पतसंस्थेची ओळख झालेली आहे. सुरूवातीपासून संस्थेच्या सर्व व्यवहारात नियोजन बध्दता‚ पारदर्शकता‚ तत्परता‚ विश्वासार्हता व आर्थिक शिस्ती बरोबर कार्यालयीन शिस्त राखण्याचे काम संचालक मंडळाने केलेले आहे. ते केवळ आपल्या बहुमोल सहकार्यामुळे शक्य झालेले आहे. संस्थेच्या नेत्रदिपक प्रगतीत आपला सर्वांचा मोलाचा वाटा आहे.चांदवड तालुक्यातील अनेक नामांकित पतसंस्था आहे, त्यांच्याशी निर्मळस्पर्धा करीत आहे. दुष्काळ‚ आर्थिक मंदी‚ गारपीट, नोटबदली, कोरोना अशा अनेक समस्यांनी ग्रासलेले होते.अशा मोठया संकटाला सामोरी जावुन संस्थेने दरवर्षी उकॄष्ट कर्जवसुली केलेली आहे. संस्थेने गरजु व होतकरू तरूणांना‚ सभासदांना‚ व्यावसायिकांना तालुका स्तरावर कर्जवाटप केले आहे. सभासदांनी देखील आर्थिक शिस्तीचे दर्शन घडविल्यामुळे आम्ही 99% कर्जवसुली करू शकलो ही खरोखरच कौतुकाची गोष्ट आहे.